जंगल के राम कहानी (कविता) कक्षा 5 हिन्दी
जंगल के राम कहानी (कविता)
सुनव-सुनव गा भाई मन, जंगल के राम कहानी |
जंगल हमर सगा संबंधी, जंगल हमर जिनगानी ||
जंगल म रिहिन पुरखा मन, जनम-करम जंगल म
जंगल के फर- फूल ल खा के बाढ़िन ओकर बल म ।
जंगल कभू नइ माँगय कुछु, ओ हर अड़बड़ दानी |
सुनव-सुनव गा भाई मन, जंगल के राम कहानी ।।
‘जंगल में मंगल’ कहिथें जेन सच हे सोला आना,
जंगल म कहाँ हे फैक्टरी, कहाँ उहाँ करखाना?
उहाँ कहाँ परसन – राक्षस ? ओ नोहै रजधानी ।
सुनव-सुनव गा भाई मन, जंगल के राम कहानी ।।
राम- किसन ल जानेन हमन, इही जंगल के खातिर,
गौतम जी ल गियान मिलिस, जंगल म घर के बाहिर,
जंगल घर ए, तपोभूमि ए, करय सदा अगवानी |
सुनव-सुनव गा भाई मन, जंगल के राम कहानी ।।
बादर कइसन बिन जंगल के बिन बादर का पानी?
बिन पानी का दुनिया दारी, कइसन राजा-रानी?
जंगल के किरपा ले भाई, जीयँय सकल परानी ।
सुनव-सुनव गा भाई मन, जंगल के राम कहानी ।।
प्रश्न अउ अभ्यास
प्रश्न 1. ए कविता म काखर राम कहानी है?
उत्तर- ए कविता में जंगल के राम कहानी है।
प्रश्न 2. जंगल म कोन रहिन?
उत्तर- जंगल में हमर पुरखा रहिन।।
प्रश्न 3. जंगल हमर का ए?
उत्तर- जंगल हमर पुरखा मन के जनम-करम के जगहा ए।
प्रश्न 4. हमर पुरखा मन कहाँ रहत रहिन है?
उत्तर- हमर पुरखा मन जंगल में रहत रहिन।
प्रश्न 5. जंगल ले का का मिलथे ?
उत्तर – जंगल ले जंगलिहा फल-फूल, जड़ी-बूटी, पान- पतठवा मिलथे।
प्रश्न 6. जंगल ल काबर अड़बड़ दानी कहेगे हे?
उत्तर – जंगल कभू कुछु नही माँगय, ओहा सबो ल देथे। इही खातिर जंगल ल अड़बड़ दानी केहेंगे है।
प्रश्न 7. परदूसन ल राक्षस काबर कहे गेहे?
परदूसन – परदूसन ले हवा, मिट्टी, पानी सबो खराब हो जाथे। इही खातिर ओला राक्षस कहे गे हे।
प्रश्न 8. खाल्हे लिखाय कविता के अर्थ लिखव
(क)
जंगल म रहिन पुरखा मन जनम-करम जंगल म
जंगल के फर- फूल ल खा के बाढ़न ओखर बल म ।।
जंगल कभू नई माँगय कुछ, ओ हर अड़बड़ दानी।
सुनव-सुनव गा भाई मन, जंगल के राम कहानी ।।
उत्तर- इसका उत्तर पद्य दो में देखें।
(ख)
बादर कइसन बिन जंगल के, बिन बादर का पानी?
बिन पानी का दुनियादारी? कइसन राजा-रानी?
जंगल के किरपा ले भाई, जीयय सकल परानी।
सुनव-सुनव गा भाई मन, जंगल के राम कहानी ।।
उत्तर- पद्य – 5 में देखें ।
प्रश्न 9. कविता के छूटे भाग ल लिखव-
(क) “जंगल म मंगल” कहिथें जेन सच हे सोला आना, जंगल म कहाँ के फैक्टरी, कहाँ उहाँ कारखाना?
(ख) राम-किसन ल जानेन हमन, इही जंगल के खतिर। गौतम जी ल गियान मिलिस, जंगल म घर के बाहिर।
प्रश्न 10. ( क ) ए कविता म ले ओ वाक्य ल लिखव जेमा परदूसन ल राक्षस बताय गे हे।
उत्तर—उहाँ-कहाँ परदूसन राक्षस? ओ नो हे राजधानी ।
(ख) ओ वाक्य ल लिखव जेमा फैक्टरी अ कारखाना के गोठ हे ।
उत्तर- जंगल म कहाँ हे फैक्टरी, कहाँ उहाँ कारखाना?